Reaching for the light! Ncav rau lub teeb!
Ua neeg nyob xav muaj tsis xav pluag, xav ciaj tsis xav tuag, cia li nrhiav txojsia thaum tseem muaj sijhawm.

Muaj tseeb tiag, tsuas muaj ob txojkev xwb:
1. Kev Tuag
2. Kev Ciaj

Koj yuav xaiv txojkev twg?

Peb lub neej muaj 4 ntu:

Ntu Mos
Nyob rau ntu neej no yog ntu uas ntxim ntxim hlub. Leejtwg pom los xav puag, xav tawb, thiab xav hnia. Niam thiab txiv hlub koj heev. Lawv tos ntsoov hnub uas koj loj thiab yuav cob qhia koj. Vajtswv hlub koj tshaj li qhov ntawv. 		Ntu Loj
Nyob rau ntu neej no yog ntu uas koj pib kawm tej yam uas koj qhovmuag pom thiab pobntseg hnov. Yog niam thiab txiv tsis cob tsis qhia tej menyuam paub Vajtswv ce lawv yuav tsis paub txog Vajtswv txojkev hlub thiab yuav dhau mus ua ib tug neeg tsis muaj Vajtswv. Txob cia lub sijhawm no dhaus mus.
Ntu Hluas
Nyob rau ntu neej no yog ntu uas peb tab tom zoo nkauj zoo nraug thiab ua yam twg los muaj peevxwm. Yuav tau muab lub sijhawm thiab tus kheej, lub dag lub zog ua Vajtswv haujlwm kom tsim nyog. Txhob tos txog thaum laus dag zog tag lawm mam muab koj sijhawm rau Vajtswv. Thaum ntawv yuav tsis muaj qabhaus dabtsi lawm. 		Ntu Laus
Nyob rau ntu neej no yog ntu uas peb dag zog tag lawm yam lub hnub yuav poob qhov. Lub sijhawm no peb tsuas yog nyob tos hnub uas yuav mus ntsib peb tus Vajtswv thiab yuav tau txhais tej nqis zog uas peb tau ua los lawm. Yog koj siv lub sijhawm muaj nuj nqi, koj yuav txaus siab rau koj lub neej yav dhau los.

Revelation 3:6 | 3:13 | 3:22
    Whoever has ears, let them hear what the Spirit says to the churches.
Tswmsim 3:6 | 3:13 | 3:22
    Yog nej leejtwg muaj qhovntsej, ca li mloog tej lus uas Vaj Ntsujplig qhia rau cov ntseeg.